Formarís, Formariz

Formarís é un lugar de Iris, Cabanas, a entrada anterior. Pero hai máis, di a wikipedia que:

O topónimo galego Formarís pode referirse a:

• Formarís, lugar da parroquia de Irís, no concello de Cabanas;
• Formarís, lugar da parroquia de Rois, no concello de Rois;
• Formarís, lugar da parroquia da Enfesta, no concello de Santiago de Compostela.

e tamén Formariz:

O topónimo galego e portugués Formariz pode referirse a:

En Galicia

• Formariz, lugar da parroquia de Cabalar, no concello da Capela;
• Formariz, lugar da parroquia de Vilaúxe, no concello de Chantada;
• Formariz, lugar da parroquia de Espasante, no concello de Ortigueira.

En Castela e León

• Formariz, poboación do concello de Villar del Buey, na provincia de Zamora;

En Portugal

 

• Formariz, freguesía do concello de Paredes de Coura.

Non hai Iriz derivados de Iris (e sería ridículo) pero si Formariz como unha elevación de "nivel" da palabra formarís.

Ben, ao tema, podemos saber que é forma rís en celta? Pois si, moi fácil:

forma, m. (gs. ~, pl. ~í). Form, bench.  (forma, banco)

e rís xa sabemos, xa vimos a entrada anterior. Así que formarís é unha forma ou un banco ao descuberto. Un banco ao descuberto-coma un banco dun parque ou nunha parada de autobús- debía ser toda unha innovación digna de destacar na idade de ferro.

Pero, sen esquecer que, posiblemente, tamén podían falar dunha estatua, civil ou relixiosa, fóra do seu contexto habitual en templos ou edificios administrativos. Ao descuberto. Hoxe en día síguese a facer nos lugares de intercambio de imáxenes da Virxe.