Vispo, Bispo, Vilarvispo

Na wikipedia galega só existe Vispo como apelido. Bispo unicamente refírese a "Obispo" castelan e Vilabispo non existe.

No listado de toponimia só existe bispo, vexamos, nada menos que 112 bispos.  Moitos bispos para encher os camiños,  montes, ríos, ribeiras, fontes, etc Está claro que si que o Bispo Santo de Foz en san Martiño refírese a un bispo Santo, pero todos os demais son bastante dubidosos

Entre este listado non está o Castro do Bispo, que si está en http://novacarta.eu  aquí:

Castro do Bispo

Nel vemos un señor (ao que lle preguntaba por onde se ia ao castro do Bispo e respondeume que el nacera alí, e vivira alí toda a súa vida pero que non sabía que houbese un castro). Que seguindo un dos ramais íase á casa do Vispo (ben, dixo, depende que o digas en castelán ou en galego, supoñiase Vispo en castelán e Bispo en galego, porque xa se sabe o galego...). Naturalmente, non fun mirar polo castro, porque se unha persoa da zona non sabe onde está, un da cidade non verá nada.

O que era claro é que para el o Vispo dalí non era ningún Bispo. De aí xorde a idea deste artigo. Na toponimia galega todos os Vispos son Bispos, pero que pasa co celta?

Se é celta a escritura, como sabemos, é con b, bispo. A v non existe.

bís, f. (gs. ~e, pl. ~eanna).1. Mec: Vice; screw.  2. Spiral. S.a. giar. En celtia traducímolo por espiral, xa que os parafusos non abundaban nas corredoiras celtas.

poc1, m. (gs. & npl. poic, gpl. ~). 1. (Of deer, goat) Buck. ~ gabhair, billy-goat. ~ fionn, male of fallow deer.

Macho de cabra, de cervo.

Espiral de cabras (implicitamente camiño de subida espiral de cabras) é a miña tradución do bispo non católico.

Polo camiño do monte que leva a casa de bispo non pasou ningún Bispo (nin católico nin protestante), só describe unha forte subida polo monte que só soportan as cabras ou os cabróns.

Asi que se falamos de montes de pendente e no camiño ao cumio un bispo estamos falando dun camiño de cabras. Por exemplo, o caso máis coñecido do pico dos tres bispos da Serra de Ancares Tres Bispos.

Claramente estanse a referir a tres camiños de cabra, distintos, que che poden levar ao cumio e non a que alí foron a bendicir o pico tres bispos.

En cada caso habería que ver se a historia ou a orografia xustifican un ou outro significado.