Coído

O significado de coído na RAG está claro:

coído substantivo masculino1 Coial Como non soporta a area, adoita ir a unha praia pequena que é un coído. 2 Pequena enseada con pedras que o mar foi arredondando. O chapapote do Prestige ennegreceu coídos na Costa da Morte.

Abunda como topónimo corroborando ese significado

Os coídos de novacarta son dese mesmo tipo

Coído (Fene)

O Coido  (Muxía)

O Coido (Pontedeume)

Unha curiosidade: novacarta.eu ten 2 coídos (Muxía e Pontedeume) que non están no listado publicado da toponimia. Xa que so ten completas certas zonas de Galicia.

Outra curiosidade: se ben gran parte dos topónimos son de costa, costeiros, corroborando ese significado, hai unha boa parte deles, que pola súa situación, e imposible que respondan a ese significado. Houston, temos un problema...

De feito na herdanza da miña nai hai fincas chamadas coído que están no alto de Bañobre (non na costa). Supoño que ben recollidas hai milleiros e milleiros de fincas chamadas coído.

Cal  é o significado oculto, celta, de coído que abrangue aos dous tipos de lugares, os da costa rochosa e as fincas normais chamadas así?

A miña hipótese é esta:

Máis exacta sería coidh, pero en irlandés actual hai só caoidh! E caigh que é?

Pois algo diso xa o vimos en celtia.org, en caión

O fundamental do significado é: Choros, lamentos

O que unifica o significado das costas rochosas galegas chamadas coídos e certas zonas do interior e incluso de fincas particulares é que se tratan de zonas nas que o vento e as chuvias ou o choque do mar contra as rochas da costa (nos dous casos en época de tormentas, de mal tempo extremo) simulan, parecen, lamentos, choros. Pode  ser que na relixión celta galega eses choros e lamentos tivesen un significado especial e fose necesario rexistrar a súa localización, sinalando un tipo de lugar onde hai certos elementos do panteón celta galego.